Казан "WorldSkills" дөнья чемпионатын югары дәрәҗәдә кабул итәргә әзер – Саймон Бартли

2018 елның 11 июле, чәршәмбе

“Казан – "WorldSkills" дөнья чемпионатын Россиягә китергән бердәнбер шәһәр”, - диде "WorldSkills International" президенты.

Казан "WorldSkills" дөнья чемпионатын югары дәрәҗәдә кабул итәргә әзер. WorldSkills International президенты Саймон Бартли сүзләренчә, Казан – WorldSkills дөнья чемпионатын Россиягә китергән бердәнбер шәһәр. Саймон Бартли бу хакта бүген IT-паркта Чемпионатның шәһәр матбугат үзәгендә әйтте.

"WorldSkills International" президенты Саймон Бартли сүзләренчә, Казан "WorldSkills 2019" һөнәри осталык буенча дөнья чемпионаты өчен яхшы урын әзерләгән. “WorldSkills 2019, ягъни һөнәри осталык буенча дөнья чемпионаты Казанның искиткеч урынында үтәчәк. Сезнең Президент, сезнең мэр 2019 елның август аенда узачак шушы чемпионат өчен бик яхшы һәм бик уңайлы урын әзерләгәннәр. Казан даими рәвештә "WorldSkills" хәрәкәтенең саклаучысы һәм алга этәрүчесе булды. Казан – "WorldSkills" дөнья чемпионатын Россия Федерациясенә китергән Россиянең бердәнбер шәһәре”, - диде ул.

Саймон Бартли Казан волонтерларының һөнәри осталык буенча дөнья чемпионатында эшләргә әзер булуын әйтте. “Дөньяның төрле почмакларыннан килгән яшьләр нәрсәгә һәм нинди дәрәҗәдә сәләтле икәннәрен күрсәтәчәкләр. Бу яшьләр - үз илләренең чемпионнары. Сезнең ил, сезнең Казан дөнья чемпионатын югары дәрәҗәдә кабул итәчәк. Мин моңа бер дә шикләнмим. Россия футбол буенча Дөнья чемпионатын кабул итте. Бу дөньякүләм вакыйга инде ахырына якынлашып килә. Тиздән Казан яңа чемпионатны, "WorldSkills 2019"ны кабул итәчәк. Без футбол буенча Дөнья чемпионатында эшләгән волонтерлар белән сөйләштек. Алар һөнәри осталык буенча дөнья чемпионатында да эшләргә теләк белдерделәр”, - диде "WorldSkills International" президенты Саймон Бартли.

WorldSkills һөнәри осталык буенча дөнья чемпионатының мәгънәсе үз өлкәңдә иң яхшысы булуны аңлауда. Соңыннан һәр катнашучы да конкурсның мәгънәсе миллион долларда түгел икәнен аңлый”, - диде “WorldSkills International” президенты Саймон Бартли.

Саймон Бартли чемпионатның нинди йогынты ясавын әйтте. “Чемпионатта катнашкан яшьләр үз эшләрен осталыкның иң югары дәрәҗәсендә башкаралар. Шул сәбәпле тамашачыларның да бу эшне янәдән күрәсе һәм үзләренең дә башкарасы килә башлый. Һөнәрләрнең төрлелеген һәм кызыклыгын күреп, ата-ана соңыннан баласы белән сөйләшә, баланың киләчәге турында тагын да тирәнрәк уйлана башлый. Һәр катнашучы да эш һәм конкурсның мәгънәсе миллион долларда түгел икәнен аңлый. Эш җиңүдән канәгатьләнгәнлек алуда, үз өлкәңдә иң яхшысы булуда. Катнашучыга эш процессы ошый”, - диде ул.

“Катнашучыларыбыз допинг-тикшерү аша үтми. Белемне яхшырта, яки, киресенчә, начарлата торган субстанцияләр күргәнебез юк. Алып килергә ярамаган әйберләр исемлеге бар.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International