Будапештта һөнәри осталык буенча EuroSkills 2018 Европа чемпионаты башлана
Татарстан делегациясе һөнәри осталык буенча EuroSkills Европа чемпионаты чараларында катнаша, ул 25-29 сентябрьдә Будапештта, Венгрия шәһәрендә узачак һәм 29 илдән 600 конкурсантны җыячак. Россия җыелма командасы составына (аның вәкилләре 41 компетенциядә иң яхшылар исеме өчен көрәшәчәк) 6 татарстанлы кергән. Моннан тыш, WorldSkills Kazan 2019 хәрәкәтенең 19 волонтер Будапештка стажировка үтәргә китте.
Казанда 2019 елда WorldSkills стандартлары буенча һөнәри осталык буенча дөнья чемпионаты EuroSkills күргәзмә экспозициясендә тәкъдим ителәчәк. Стендта Казан буенча виртуаль тур ясарга, WorldSkills Kazan 2019 проекты презентациясен күрергә, шулай ук татар милли ашлары әзерләү буенча мастер-класста катнашырга мөмкин булачак.
EuroSkills-25 яшькә кадәрге яшьләр өчен һөнәри осталык буенча Европада иң масштаблы ярышлар, алар ике елга бер тапкыр WorldSkills Europe катнашучы 29 илнең берсендә уздырыла. Дөньяда WorldSkills хәрәкәтенә инде 70 елдан артык, әмма бары тик Ауропа командалары арасында гына чемпионатлар оештырырга 2008 елдан гына керештеләр. Беренче Европа чемпионаты Роттердамда узды, ә 2016 елда EuroSkills башкаласы Швед Гетеборг булды.
Шуны да билгеләп үтәргә кирәк, 2022 елда EuroSkills Европа чемпионаты Санкт-Петербургта узачак. Төньяк башкала кандидатурасын 2018 елның мартында Европа оешмасы Генераль ассамблеясендә WorldSkills Europe катнашучы 28 ил вәкилләре бертавыштан раслады. Россия чемпионаты эстафетасын Австрия тапшырачак, ул 2020 елда Грац шәһәрендә беренчелек үткәрәчәк.