Айгөл Ситдыйкова пауэрлифтинг буенча дөнья чемпионатында көмеш медаль яулады
Спортчы шулай ук 2 дөнья рекорды куйды.
18 ноябрьдә Берләшкән Гарәп Әмирлекләрендә 2019 елгы пауэрлифтинг (өч төр ярыш) буенча кырыгынчы хатын-кызлар һәм кырык сигезенче ир-атлар арасында дөнья чемпионаты старт алды. Ярышларда 250дән артык спортчы катнаша – турнирда 155 ир-ат һәм 94 хатын-кыз үз илләреннән.
Ярышларның беренче көнендә Россия җыелма командасы составында Татарстан Республикасы вәкиле Айгөл Ситдыйкова уңышлы чыгыш ясады. Яшел Үзән шәһәрендә туып-үскән кыз 52 кг авырлык категориясендә чыгыш ясады һәм 510,5 кг нәтиҗә күрсәтте (утырыш 182,5 кг, 160,5 кг, 167,5 кг). Бу сумма Айгөлгә мактау пьедесталының икенче баскычына менәргә мөмкинлек бирде.
Үз чыгышында Ситдыйкова башта 155,5 кг, ә аннары 160,5 кг ятып күтәрүдә ике дөнья рекорды куйды.
Спортчы пауэрлифтинг буенча Татарстан Республикасы җыелма командасының өлкән тренеры Иван Крысин җитәкчелегендә (Яшел Үзән шәһәре) шөгыльләнә.