«Ростелеком – Россия Кубогы» ның IV этабы һәм фигуралы шуу буенча «Идел-2021» Бөтенроссия ярышлары Казанда узачак
8 ноябрьдән 12 ноябрьгә кадәр Казанның Спорт сараенда тимераякта фигуралы шуу буенча Россиянең атказанган тренеры Г.с. Тарасов истәлегенә «Россия Кубогы – Ростелеком» ның IV этабы һәм традицион «Идел 2021» Бөтенроссия ярышлары узачак.
Ярышлар ялгыз шуу, парлы шуу һәм бозда биюдә өлкәннәр - спорт мастерлары һәм спорт мастерлыгына кандидатлар арасында үткәрелә.
Россия Кубогы этаплары Россия кубогы финалына, Россия чемпионатына һәм Россиянең Яшүсмерләр беренчелегенә сайлап алу ярышлары булып тора. Спортчылар ике этапта катнашырга хокуклы.
Традиция буенча ярышларда илнең әйдәп баручы спортчылары - танылган Россия тренерларында тәрбияләнүчеләр катнаша.
Ел саен Казан тамашачылары Алексей Мишин, Этери Тутеридзе, Евгения Плющенко, Елена Буянова (Водорезова), Тамара Москвина, Ирина Жук һәм Александр Свинин, Александр Жулин, Артур Дмитриев һәм башкаларның мавыктыргыч спорт көрәше һәм онытылмас боз тамашасының шаһитлары булу мөмкинлегенә ия.
Шулай ук ярышларда Татарстан Республикасыннан фигуристлар да катнаша.
Ярышларны ачу тантанасы 9 ноябрьдә булачак.