Җиңел атлетика буенча Баулы районы беренчелеге кысаларында ГТО нормативларын тапшыру оештырылды

2023 елның 23 апреле, якшәмбе

ГТО нормативларын үтәү кысаларында Баулы районында җиңел атлетика буенча язгы беренчелек узды. Төрле яшь категорияләрендәге укучылар арасында спорт ярышлары 22 апрельдә «Иволга» стадионында узды. Исегезгә төшерәбез, ГТОның барлык чаралары «Демография» милли проектының «Спорт – тормыш нормасы»федераль проекты кысаларында үткәрелә.

Беренчелектә катнашучылар малайлар һәм кызлар 100, 400, 800 һәм 1500 метр дистанцияләрдә җиңү өчен көрәштеләр. Һәрбер ярышта катнашучылар үз мөмкинлекләренең максимумын күрсәтәләр, теләгән нәтиҗәгә ирешү өчен 100% көч куялар.

Искәртеп узабыз, ярышларда катнашучыларның финал вакыты ГТО комплексы нормативларын үтәү буларак исәпкә алынды.