Казанда World of Tanks компьютер онлайн-уеннары сериясе суперфиналы узды
Казанда «Ак Барс» Көрәш Сараенда танклар вакыты World of Tanks компьютер онлайн-уеннары сериясе суперфиналы узды. Көрәш взводов 2018».
«Танкчылар» уенын карарга һәм катнашучыларга сәламләү сүзләрен әйтергә ТР Президенты Аппараты Җитәкчесе Әсгать Сәфәров, ТР Премьер-министры урынбасары Ләйлә Фазлыева, ТР Яшьләр эшләре буенча министр урынбасары Анна Захматова һәм ТР ДОСААФ идарәсе рәисе Дамир Динниулов килгән иде.
Россиянең киберспорт башкаласына, Ләйлә Фазлеева сүзләренчә, бөтен илдән 300дән артык спортчы, шулай ук БДБ илләреннән нинди команда иң яхшылардан булуын ачыклау өчен килгән. Уен яратучылар өчен берничә уен зонасы оештырылган иде, шулай ук балалар мәйданчыгы – чараның иң яшь кунаклары өчен, ә профессиональ командаларның каршылыгын тамашачылар зур экранда тамаша кыла алды.
Әсгать Сәфәров һәм Дамир Динниулов да үз көчләрен World of Tanks да сынап карадылар. Алар бер взводта уйнады һәм канәгатьләнү белән уенда танк модельләре бик яхшы эшләнгән дип билгеләделәр.
Шуны да билгеләп үтәргә кирәк, Көрәш сарае бинасына кергәндә кунакларны ТР ДОСААФ Чистай оешмасы тарафыннан тәкъдим ителгән КамАЗ уку-укыту машинасы каршы алды, холлда оборона җәмгыяте күргәзмәсе оештырылган иде. Барлык теләүчеләр дә легендар винтовка Мосин, Макаров пистолеты, граната һәм башка бик күп корал тотып, төрле чордагы хәрби форма белән таныша, шулай ук Татарстан Республикасы ДОСААФ эшчәнлеге турында тулырак белә алдылар.
Компьютер залында да призлы урыннар бирелде. «Tornado» командасы 1 урынны алды. Уенчыларга алтын медальләр һәм уен ноутбуклар бирелде. Алар артыннан Минсктан килгән кунаклар – турнир дәвамында ышанычлы уен күрсәткән «Тотито» командасы урнашты. Ә бронза медальне Казанның яшь «Freedom» коллективы алды.