Әлмәттә «Snow Fest – 2019» кышкы спорт төрләре фестивале узачак»

2018 елның 27 декабре, пәнҗешәмбе

Кышкы спорт төрләрен үстерү һәм популярлаштыру, Әлмәт муниципаль районы халкын физик культура һәм спорт белән даими шөгыльләнүгә җәлеп итү максатларында шәһәрдә «Snow Fest – 2019» кышкы спорт төрләре фестивале узачак.

2019 елның 1 февралендә тау чаңгысы спорты һәм сноуборд буенча ярышлар «ЯН» тау чаңгысы комплексында узачак.

2019 елның 2-3 февралендә биатлон һәм чаңгы марафоны буенча ярышлар Әлмәт шәһәре ипподромында узачак.

Ярышларда Әлмәт муниципаль районының һәм Татарстан Республикасының иң көчле спортчылары катнашачак.