Татарстан пилоты кышкы трек автомобиль узышлары буенча Россия чемпионатының I этабын отты
Узган ялларда Усад авылы спорт комплексы автодромында кышкы трек автомобиль узышлары буенча Россия чемпионаты һәм Татарстан Республикасы Чемпионатының беренче этаплары узды.
Татарстан пилоты Тимур Тимерҗанов туган трекында башка төбәкләрдән көндәшләренә өмет калдырмады һәм ярышларның җиңүчесе булды. Подиум өчен Казаннан икенче атаклы пилот – Айдар Нуриев каты көрәште. Коллегия карары буенча, спорт комиссарлары Айдар этабында 3 урынны алды, ул узышчы Роман Загуменновка нибары 1 балл гына бирелде.
Команда зачетында Казанның AG Team коллективы җиңү яулады. «Ралли-Подмосковье» һәм AKHMAT Racing Team 2 һәм 3 урыннарны яуладылар.
Россия чемпионаты кысаларында шулай ук кышкы трек буенча Татарстан Республикасы чемпионаты зачеты да булды. Беренче этап Подиум түбәндәгечә күренә: 1 урын – Тимур Тимерҗанов, 2 урын – Айдар Нуриев, 3 урын – Рәсүл Миңнеханов.
Россия чемпионатының икенче этабы 9 һәм 10 февральдә Мәскәү өлкәсенең Раменское шәһәрендә узачак.
Татарстан Республикасы чемпионатының икенче этабы Яр Чаллыда (15-17 февральдә) узачак, анда шулай ук ел саен Салават Кубогы узачак.