Актанышта «Татарстан чаңгы юлы» массакүләм узышлары узды.

2019 елның 9 феврале, шимбә

9 февраль көнне Актанышта «Татарстан чаңгы юлы-2019» ярышлары узды.

«Россия чаңгы юллары-2019» ярышларының иң өлкән катнашучысы Хәләф Әхтәмовка 72 яшь иде, ярышлар районның һәр җирлегендә узды.

«Бүләк» чаңгы трассасында чаңгы ярышларын район башлыгы Энгель Фәттахов ачты. Район башлыгы ярышларда катнашучыларга уңышлар теләде, аларны сәламәт яшәү рәвешенә чакырды һәм үзе үрнәк күрсәтте.

Ярышларның тантаналы өлешеннән соң балалар бакчаларында тәрбияләнүчеләр һәм башлангыч сыйныф укучылары чаңгы ярышларын ачтылар. Һәр яшь төркемендә чаңгы буенча җиңүчеләр билгеләнде, аларга дипломнар һәм бүләкләр тапшырылды.