25 меңнән артык катнашучы 2019 Казан марафоны стартына чыкты

2019 елның 5 мае, якшәмбе

4-5 майда Россиянең спорт башкаласында Ак Барс Банкы Казан марафоны узды.

Масштаблы вакыйга үзендә дөньяның 32 иле вәкилләре: йөгереш фанатлары һәм марафон буенча Россия чемпионатында катнашучы профессиональ спортчылар җыелган иде.

Ярышларның икенче көнендә 10 км, 21,1 км һәм 42,2 км йөгерүдә катнашучыларны ТР Спорт министры Владимир Леонов, ТР Җиңел атлетика федерациясе президенты Хафиз Салихов һәм җиңел атлетика буенча Россия җыелма командасының баш тренеры Юрий Борзаковский сәламләде.

Марафонның абсолют җиңүчесе (42,2 км) Татарстан спортчысы Степан Киселев булды, ул 2 сәгать 12 минут һәм 56 секунд нәтиҗә белән тәмамланды. Аның артыннан Андрей Лейман (02:14:10) килде, ә чемпионаттагы бронза медален 02:15:29 нәтиҗәсе белән Юрий Чечун алды.

«Марафон бик ошады. Бүген трасса да сокландырды: без шәһәрнең барлык истәлекле урыннарын диярлек эләктердек һәм иң мөһиме, моны бер әйләнешкә эшләдек. Казан марафоны елдан-ел арта һәм яхшырак, тәҗрибәгә әверелә бара. Бу сизелерлек», - дип уртаклашты марафон буенча Россия чемпионы Степан Киселев.

Кызлар арасында Россия чемпионы исемен Якутиядән җиңел атлетика буенча ил җыелма командасы әгъзасы Сардана Трофимова яулады (02:31:31), беренче урынны 27 секундка артта калган Ирина Сергеевадан калышмады (02:31:58). Призлы өчлекне Алинә Прокопьева (02:34:10) алды.

10 км дистанциягә йөгерүдә Казан марафонының икенче көнендә ТР Спорт министрлыгы җитәкчеләре дә катнашты-стартка спорт министры Владимир Леонов, шулай ук аның урынбасарлары Алмаз Мингулов һәм Айрат Әхмәров чыкты.

Чара кысаларында стартлар 42,2 километрга гына түгел, әзерлек дәрәҗәсеннән чыгып, катнашучылар 3 км, 10 км һәм ярыммарафон дистанциясенә йөгерделәр. Стартка катнашучылар гаиләләре белән чыктылар, коляскалар белән һәм йорт хайваннары белән бергә йөгерделәр. Гомумән алганда, 2 көн эчендә барлык йөгерешләр стартына 25 меңнән артык кеше чыкты.

2 көн нәтиҗәләре:

10 км, ир-атлар

1. Антон Тингаев, 30:51;

2. Андрей Трофимов, 31:47;

3. Виктор Самойлов, 31:59.

10 км, хатын-кызлар

1. Ульяна Аввакуменкова, 34:49;

2. Юлия Васильева, 35:13;

3. Галина Иванова, 36:10.

21,1 км, ир-атлар

1. Нияз Садыйков, 01:09:39;

2. Кирилл Недосеков, 01:09:45;

3. Вениамин Каныбеков, 01:10:47.

21,1 км, хатын-кызлар

1. Людмила Лебедева, 01:12:43;

2. Ксения Махнева, 01:13:03;

3. Елена Наговицына, 01:15:49.

42,2 км, ир-атлар

1. Степан Киселев, 2:12:56;

2. Андрей Лейман, 2:14:10;

3. Юрий Чечун, 2:15:29.

42,2 км, хатын-кызлар

1. Сәрдана Трофимова, 2:31:31;

2. Ирина Сергеева, 02:31:58;

3. Алинә Прокопьева, 02:34:10.

Әлеге дистанцияләргә йөгерүдә җиңүчеләр һәм призерлар акчалата сертификатлар, партнерлардан кубоклар һәм бүләкләр, ә катнашучылар – 42,2 км га йөгерүдә катнашучылар Россия чемпионатының аерым медальләре белән бүләкләнделәр.