Казанда чаңгы ярышларында спорт судьяларының Бөтенроссия семинары башланды
21-24 октябрь көннәрендә Идел буе дәүләт физик культура һәм спорт академиясе базасында чаңгы ярышлары буенча Россия спорт судьяларының Бөтенроссия Семинары уза. Россиянең 35 регионыннан 200дән артык судья чаңгы ярышлары буенча спорт судьяларының ел саен үткәрелә торган семинарында катнашу өчен җыелды.
Чара Россия чаңгы узышлары федерациясе тарафыннан Татарстан Республикасының чаңгы узышлары һәм биатлон федерациясе белән берлектә оештырылды.
Бүген бу хакта Татарстан Республикасы Президенты Рөстәм Миңнеханов Татарстан Республикасы финанс, казначылык һәм салым органнарының 2014 елның 9 аендаТатарстан Республикасы берләштерелгән бюджетын үтәү йомгаклары һәм 2014 елның азагына кадәр республика финанс, казначылык һәм салым органнарының бурычлары буенча республика киңәшмәсендә хәбәр итте.
Сәламләү сүзе белән беренче булып ТР спорт министрының беренче урынбасары Хәлил Шәйхетдинов мөрәҗәгать итте. Ул семинарның яңа спорт сезоны алдыннан мөһим булуын билгеләп үтте:
«Чаңгы ярышлары буенча спорт судьяларының Бөтенроссия семинарын уздыру безнең өчен бик мактаулы. Безнең республикада бөтенроссия дәрәҗәсендәге ярышлар уза, ә сездән, судьялардан иң яхшылары безнең трассаларда да эшләячәк. Сез үз эшегезне сыйфатлы итеп башкарырсыз дип ышанабыз.
Бу семинар-безнең өчен әһәмиятле чара, чөнки теләсә кайсы эре спорт вакыйгасының хөкемдарлыгы-эшнең өстенлекле юнәлешләренең берсе. Мин ышанам ки, безнең уртак эшебез уңай нәтиҗә бирәчәк».
Хәлил Хәмит улы шулай ук катнашучыларга Татарстан Республикасының Спорт тормышы турында сөйләде. Ул республикада чаңгы спортын үстерү өчен күп эшләр башкарылуын билгеләп үтте: Президент программасы буенча 35 модульле чаңгы базасы төзелгән, ә Казанда чаңгы-биатлон комплексы төзелә башлаган.
Укыту семинарының төп максаты-халыкара һәм бөтенроссия ярышларында эшләү өчен спорт судьяларының һөнәри әзерлеген арттыру. Судьялар чаңгы ярышлары кагыйдәләре, халыкара кагыйдәләргә кертелгән үзгәрешләр һәм өстәмәләр, шулай ук 2019-20 елларга ярышлар календаре белән танышачаклар.
Семинарның беренче көнендә катнашучылар 2018-2019 ел сезонына йомгак ясаячак, чаңгы ярышлары буенча халыкара кагыйдәләрдәге үзгәрешләр һәм өстәмәләр белән танышачак, ярышларны уздыруның аерым аспектлары белән танышачак, шуннан соң секцияләр буенча эшкә керешәчәкләр.
Икенче көнне судьялар чаңгычылар буенча ярышларны оештыру һәм уздыру тенденцияләре һәм үзенчәлекләре, квалификация судьялары категорияләре һәм Бөтенроссия категорияле судьяларның мәгълүматларын исәпкә алу системасы турында фикер алышачак. Аннары стадионда (ярышлар офисы, хронометраж, стадион хезмәте, трассалар хезмәте, видеоконтроль хезмәте) практик дәрес узачак, ә судьялар квалификация зачетын тапшырачак.