Дмитрий Сотников экипажы «Дакар»ның бишенче этабында җиңде
Команда 564 чакрымдагы трассаны 4 сәгать 12 минут һәм 4 секунд эчендә үтәде.
Дмитрий Сотников җитәкчелегендәге «КАМАЗ-Мастер» командасы экипажы «Дакар» ралли-рейдының бишенче этабында финишка беренче булып килде.
Узышчылар 564 км озынлыктагы (махсус участок белән 353 км) этапны 4 сәгать 12 минут һәм 4 секунд эчендә уздылар. Финишка икенче булып, лидердан 3 минут 6 секундка калышып, Антон Шибалов экипажы килде. Өченче этапны Андрей Каргинов экипажы узды, ул Сотниковтан 3 минут 15 секундка калышты.
Шуңа да карамастан, Каргинов гомуми зачетта беренче урынны саклап калуны дәвам итә, аның артыннан куып баручы Шибалов экипажы – 14 минут 53 секундка. Шибалов Сергей Вязович җитәкчелегендәге Белоруссия командасын узып, хәзер генә икенче баскычка күтәрелде.