Чаллыда «Юбилейный» бассейнын төзү 65%ка төгәлләнгән
Яңа объект «Спорт – тормыш нормасы»федераль проектын гамәлгә ашыру кысаларында барлыкка киләчәк.
4 мартта ТР Спорт министры урынбасары Алмаз Мингулов эш визиты белән Яр Чаллы шәһәрендә булды. Шәһәрдә булу барышында министр урынбасары яңа спорт объектлары төзелеше мәйданчыкларында булды, анда ул ремонт эшләренең барышы белән танышты һәм күчмә киңәшмә үткәрде.
Алмаз Мингулов Яр Чаллыда «Спорт – тормыш нормасы» федераль проектын тормышка ашыру кысаларында төзелеп килүче «Юбилейный»йөзү бассейнында булды.
Алмаз Минвазыйхович билгеләп үткәнчә, хәзерге вакытта объектның файдалануга тапшыруга әзерлеге 65% тәшкил итә, Тышкы эшләрнең күбесе төгәлләнгән, эчке биналарны бизәү эшләре бара. Апрель аенда подрядчы оешма бассейннарның касәләрен су белән тутыра башлаячак, хәзерге вакытта территорияне төзекләндерү буенча эшләр башланган
Яңа 25 метрлы бассейн барлыкка килү Кама автомобиль заводлары комплексына нигез салынуның 50 еллыгын бәйрәм итүгә багышланачак. Аңа 25 метрлы 6 йөзү юлына исәпләнгән бассейн касәсе, шулай ук 6х10 метрлы чынаяклы Балалар Бассейны, олылар һәм балалар өчен киенү-чишенү бүлмәләре, «коры разминкалар» залы, методик һәм уку дәресләре өчен бүлмәләр, медицина кабинеты һәм башка административ бүлмәләр керәчәк. Объект физик мөмкинлекләре чикләнгән кешеләр өчен җайлаштырылачак.
Объект төзелеше «Спорт – тормыш нормасы» федераль проектын тормышка ашыру кысаларында алып барыла, ул сәламәт яшәү рәвеше алып баручы гражданнар өлешен, шулай ук физик культура һәм спорт белән даими шөгыльләнүче гражданнарның Россия Федерациясендә 55% ка кадәр арттыруны күздә тота.
Әлеге күрсәткеч халыкны мотивацияләү системасын булдыру, барлык дәрәҗәләрдә һәм корпоратив мохиттә спорт-массакүләм эшен активлаштыру, спорт резервын әзерләү һәм спорт инфраструктурасын үстерү юлы белән ирешеләчәк.
Россиянең милли проектларын билгеләүче һәм раслаучы «2024 елга кадәрге чорга Россия Федерациясе үсешенең милли максатлары һәм стратегик бурычлары турында» тиешле указга Россия Президенты Владимир Путин 2018 елның 7 маенда кул куйды.