Алмаз Мингулов Яр Чаллы спорт объектларында булды

2020 елның 25 марты, чәршәмбе

ТР Спорт министры урынбасары яңа корылмалар төзелешенең барышын тикшерде.

25 мартта ТР Спорт министры урынбасары Алмаз Мингулов эш визиты белән Яр Чаллы шәһәрендә булды. Алмаз Минвазыйх улы Яр Чаллы Башкарма комитетының физкультура һәм спорт идарәсе башлыгы Роман Насретдинов озатуында шәһәрнең төзелә торган берничә спорт объектында булды һәм күчмә киңәшмәләр үткәрде.

Алмаз Минвазыйх улы «Спорт – тормыш нормасы» федераль проекты кысаларында төзелеп килүче яңа ябык йөзү бассейнында булды. Аның төзелеше 2019 елда федераль проектка кертелгән һәм узган елның көзендә старт алган. Хәзерге вакытта объектның төзелеш әзерлеге 70% тан артык. Объект 2020 елның яз-җәй айларында файдалануга тапшырылачак. Аңа 25 метрлы 6 йөзү юлына исәпләнгән бассейн касәсе, шулай ук 6х10 метрлы чынаяклы Балалар Бассейны, киенү-чишенү бүлмәләре һәм кайбер административ биналар керәчәк.

Алмаз Мингулов «Демография» милли проектының «Спорт – тормыш нормасы»федераль проекты кысаларында төзелә торган тагын бер объектта да булды. Яр Чаллыда боз сарае 2020 елга федераль проектны тормышка ашыру планына кертелде. Боз кырыннан тыш, 58х28 метр мәйданлы яңа объект берничә административ бинаны үз эченә алачак.

Шулай ук ТР Спорт министры урынбасары ябык футбол манежы төзелеше барышы белән танышты. Исегезгә төшерәбез, 2019 елда 4 Манеж төзелешенә стартны ТР Президенты Рөстәм Миңнеханов шәхсән үзе бирде. ТАССР төзелүнең 100 еллыгына республикада 3 футбол һәм 1 Футбол-Регби объекты барлыкка киләчәк. Аларның икесе – Казанда, берсе-Яр Чаллы һәм Түбән Кама шәһәрләрендә төзеләчәк.

Спорт инфраструктурасы объектларын төзү – «Спорт – тормыш нормасы» федераль проектын гамәлгә ашыру кысаларында күрсәткечләргә ирешү буенча бурычларның берсе, ул сәламәт яшәү рәвеше алып баручы гражданнар өлешен, шулай ук физик культура һәм спорт белән даими шөгыльләнүче гражданнар өлешен 55% ка кадәр арттыруны күздә тота.

Әлеге күрсәткеч халыкны мотивацияләү системасын булдыру, барлык дәрәҗәләрдә һәм корпоратив мохиттә спорт-массакүләм эшен активлаштыру, спорт резервын әзерләү һәм спорт инфраструктурасын үстерү юлы белән ирешеләчәк.

Россиянең милли проектларын билгеләүче һәм раслаучы «2024 елга кадәрге чорга Россия Федерациясе үсешенең милли максатлары һәм стратегик бурычлары турында» тиешле указга Россия Президенты Владимир Путин 2018 елның 7 маенда кул куйды.