Алмаз Мингулов ТР муниципалитетларының спорт бүлекләре җитәкчеләре белән киңәшмә үткәрде
Онлайн-киңәшмәдә агымдагы мәсьәләләр буенча фикер алыштылар.
7 майда Татарстан Республикасы спорт министры урынбасары Алмаз Мингулов министрлык бүлекләре башлыклары белән бергә Татарстан муниципаль берәмлекләренең спорт бүлекләре җитәкчеләре белән видеоконференцэлемтә режимында киңәшмә үткәрде.
Агымдагы гомуми сораулардан тыш, муниципалитетларга спорт инвентаре белән тәэмин итү буенча килешүләр төзү тәртибе җиткерелде, хоккейга ярдәм итү, тренерларга югары квалификацияле спортчылар әзерләгән өчен түләү, шулай ук яшь белгечләргә түләү мәсьәләләре буенча фикер алышынды.
Муниципалитетлар «Хезмәткә һәм оборонага әзер» комплексы нормативларын үтәү өчен территорияләрне китерү һәм урнаштыру турында аерым сөйләделәр. Әлеге спорт корылмаларын китерү һәм урнаштыру «Демография» милли проектының «Спорт – тормыш нормасы»федераль проектын тормышка ашыру кысаларында башкарыла.
Исегезгә төшерәбез, 2020 елда «ГТО»комплексы нормативларын үтәү өчен 9 спорт мәйданчыгы төзү планлаштырыла. Алар Азнакай, Әлмәт, Апас, Биектау, Кама Тамагы, Минзәлә, Теләче, Ютазы һәм Әтнә муниципаль районнарында барлыкка киләчәк.
2020 һәм 2021 елларда, аерым алганда, Универсаль спорт мәйданчыклары һәм аз бюджетлы спорт корылмалары төзү буенча республика программаларын гамәлгә ашыру турында да фикер алышынды.
2020 елга республика төзелеш программаларын гамәлгә ашыру кысаларында 85 универсаль спорт мәйданчыгы һәм 6 блок-модульле чаңгы базасы төзү каралган (Югары Ослан, Тукай, Балык Бистәсе, Әтнә һәм Нурлат муниципаль районнары, Казан шәһәре).