Владимир Леонов Аксубайда футбол кыры төзелеше барышы белән танышты
Татарстан Республикасы спорт министры Владимир Леонов эш визиты белән Аксубай муниципаль районында булды. Владимир Александрович футбол кырын төзү эшләренең сыйфатын тикшерде. Объект октябрь башында тапшырылачак. Хәзерге вакытта басуга каплатма китерелгән һәм газон җәю буенча әзерлек эшләре тәмамланып килә. Яңа басуда җирле тәрбияләнүчеләрнең күнегүләр процессы оештырылачак.
Аксубайда яңа футбол кыры «Спорт – тормыш нормасы» федераль проекты кысаларында төзелә, аның максаты – физик культура һәм спорт белән системалы рәвештә шөгыльләнүче гражданнар өлешен арттыру, югары казанышлар спортын үстерү, сәламәт яшәү рәвешен популярлаштыру.
Бүгенге көндә Татарстанда даими рәвештә физкультура һәм спорт белән 1,7 млн.тирәсе кеше шөгыльләнә. Бу күрсәткечкә, шул исәптән, ТР Президенты Рөстәм Миңнеханов тарафыннан хупланган төзелеш һәм капиталь ремонт буенча республика программалары ярдәмендә ирешелгән.
2024 елга шөгыльләнүчеләр саны 2 млн. кешегә кадәр артырга тиеш. «Спорт – тормыш нормасы» федераль проектының төп максатчан күрсәткечләренә туры килә торган ТР Президенты Рөстәм Миңнеханов шундый бурыч куя: 2024 елга Татарстан Республикасында физик культура һәм спорт белән даими шөгыльләнүче гражданнарның өлеше 57% ка кадәр (федераль проект – 55 %).
Татарстан бүген-спорт тармагын үстерү буенча илдә лидерларның берсе. Татарстан Республикасы Президенты инициативасы һәм ярдәме белән Татарстан Республикасында Сәламәт яшәү рәвешен профилактикалауга һәм популярлаштыруга юнәлдерелгән берничә программа кабул ителде. 2013 елдан республиканың барлык шәһәр һәм районнарында универсаль спорт мәйданчыклары төзү буенча масштаблы проект гамәлгә ашырыла. Программа массакүләм физкультура-сәламәтләндерү хәрәкәтен үстерү өчен көчле импульс бирде.