Казанда Синхрон йөзү буенча FINA дөнья сериясе этабы башланды
Бүген Казанның Су спорт төрләре сараенда синхрон йөзү буенча FINA дөнья сериясе этабы башланды. Ярышлар 18 апрельгә кадәр барачак. Ярышларда 8 илдән 70 тән артык спортчы катнашачак. Старт алган ярышлар турында Татарстан Республикасы спорт министры Владимир Леонов һәм Россия җыелма командасының баш тренеры Татьяна Покровская сөйләде.
«Синхрон йөзү буенча барысы да бик сагындылар. Дөнья сериясеннән соң бездә шунда ук әлеге спорт төре буенча Россия чемпионаты узачак. Спортчыларның уңышлы чыгыш ясавына өметләнәбез. Алар осталыкның дәрәҗәсен күрсәтерләр дип өметләнәм», - диде Владимир Леонов.
Синхрон йөзү буенча FINA дөнья сериясе этабы Казанда беренче тапкыр гына узмый – Татарстан башкаласы аны 2019 елда кабул иткән инде. Узган елдагы кебек үк, спорт программасы 3 көн дәвам итәчәк һәм үз эченә соло, дуэт, дуэт-катнаш, төркем (техник һәм ирекле программалар), комби һәм акробатик төркем дисциплиналарында ярышларны алачак.
«Казан, һәрвакыттагыча, зур ярышларны үткәрүгә бик яхшы әзерләнгән. Спортчылар формасы хисабына шуны әйтә алам: барысы да ярышлар күрсәтәчәкләр. Безнең спортчыларның мондый дәрәҗәдәге старттан канәгать булуы мөһим, аларга бу хисләрне Кабат искә алырга кирәк. Икенче ел рәттән безнең спортчыларыбыз эпидемиологик хәл аркасында чыгыш ясамадылар һәм безгә бу драйвны искә алырга кирәк. Стартларның аз саны безнең нәтиҗәләрдә чагылыш тапмасын өчен тырышырбыз. Барысы да бер үк шартларда » - дип үз фикерләре белән уртаклашты безнең спортчылар чыгышыннан Татьяна Покровская.
Быел синхрон йөзү буенча дөнья сериясе ярышлары 6 этаптан тора: АКШ (виртуаль форматта, 19-21 февраль), Будапешт (Венгрия, 9-11 Апрель), Казан (Россия, 16-18 апрель), Канада (виртуаль форматта, 28-30 май), Александруполис (Греция, 4-6 июнь), Барселона (Испания, Суперфинал, 11-13 июнь). Этаплар суммасы буенча иң яхшы җыелма командалар суперфиналда чыгыш ясаячак.
Казанда шулай ук 2015 елда Су спорт төрләре буенча FINA дөнья чемпионаты, 2013 елда Бөтендөнья җәйге Универсиадасы, 2016 елда синхрон йөзү буенча дөнья беренчелеге кысаларында синхрон йөзү буенча халыкара ярышлар үткәрелде. 2013, 2014, 2018, 2019 һәм 2020 елларда биредә синхрон йөзү буенча Россия чемпионатлары уңышлы узды.