«Акватика» балалар-яшүсмерләр спорт мәктәбе укучысы йөзү буенча «Mad Wave Challenge 2021» ярышларында рекорд куйды
Казанда йөзү буенча «Mad Wave Challenge 2021»Бөтенроссия ярышлары дәвам итә. Ярышларның икенче көне безгә турнирның тагын бер рекордын һәм яңа спорт мастерын бүләк итте.
11 яшьтә катнашучылар өчен рекордлы вакытны бүген Казан шәһәренең «Акватика» балалар-яшүсмерләр спорт мәктәбеннән Анастасия Чернышова күрсәтте. 200 м га баттерфляй белән йөзүдә яшь спортчы финишка 2.34, 30 секундта килде һәм көмеш медаль яулады. Бу авыр дисциплинада «Манеж» мәктәбеннән Екатерина Суслякова 2.25,64 нәтиҗәсе белән җиңү яулады. Кече яшүсмерләр арасында беренче урынны Матвей Нестеров алды,өлкәннәрдә Исмәгыйль Дульмахаметов һәм Любовь Сәитова (2.10,43 һәм 2.28, 46) иң яхшы вакыт күрсәтте.
Азат Әхмәров, ирекле стиль һәм аркада йөзү номинацияләрендә турнир таблицасы лидеры, бүген беренче тапкыр спорт мастеры нормативын үтәде. 200 м га аркада йѳзүдә спортчы көндәшләреннән зур аерма белән 2.04, 28 исәбе белән финишка килде һәм 14 яшьлекләр арасында әлеге дистанциядә турнирның гомуми рейтингында икенче урынны алды. Спортчыны бик яхшы нәтиҗә белән котлыйбыз!
Бүген ирекле стиль белән йөзүдә җитди көрәш булды. Кече кызлар арасында 9 йөзенчедән аерылып беренче урынны Воронежның 1 нче мәктәбеннән Александра Литвиненко алды (1.01,72), егетләр арасында секундтан кимрәк аерма белән Матвей Нестеров (59,12). Өлкән яшь төркемендә Дарья Трубицына җиңү яулады, икенчедә – Анастасия Желтенко. Ике спортчы да бер минут – 59,57 һәм 59,84 секундта йөзеп чыкты. Ярыш көне ахырында, 50 м га аркада йөзү финаллары алдыннан, «Буревестник» бассейнында катнаш катнаш эстафетада беренчел ярышлар узды.