Казанда Халыкара спорт мастеры Нәкыйп Мадьяров истәлегенә багышланган самбо буенча ярышлар тәмамланды
21 майдан 23 майга кадәр Казанда «Олимпиец» спорт комплексында самбо буенча халыкара класслы спорт мастеры Нәкыйп Мадьяров истәлегенә багышланган Бөтенроссия ярышлары узды. Ярышларны ачу тантанасында Татарстан Республикасы спорт министрының беренче урынбасары Хәлил Шәйхетдинов катнашты.
«Без 31 тапкыр СССР халыкара класслы спорт мастеры Нәкыйп Мадьяровны хөрмәт итәргә һәм искә алырга җыелдык. Биредә Россиянең барлык төбәкләреннән иң көчле көрәшчеләр җыелды. Әлеге турнир безнең йөрәкләрдә аерым урын алып тора, һәм мин чарада катнашучыларның барысына да чын күңелдән рәхмәт белдерәсем килә», - дип сәламләде ярышта катнашучыларны Хәлил Шәйхетдинов.
Көрәш келәменә Россия Федерациясенең 30 субъектыннан 239 иң көчле көрәшче чыкты. Ярышлар нәтиҗәләре түбәндәге сылтамалар буенча билгеле: егетләр, хатын-кызлар, сугыш самбосы.
Нәкыйп Мадьяров-совет самбочы һәм дзюдочы, самбо буенча халыкара класслы спорт мастеры, дзюдо буенча СССРның спорт мастеры. 1981-1984 елларда СССР җыелма командасына керә; 5 тапкыр СССР чемпионатларында, 6 тапкыр Ил Кубогы ярышларында, 7 тапкыр Россия чемпионатларында, 5 тапкыр халыкара турнирларда катнаша. СССР чемпионатының бронза призеры (1981 ел), СССР Кубогының көмеш призеры (1982 ел), самбо буенча йолдызлар арасында дөнья чемпионы (1983 ел).