Форумда катнашучылар волейбол буенча турнирда катнаштылар
«Буревестник» спорт комплексында «Россия - спорт державасы» форумы кысаларында спорт форумы делегатлары өчен волейбол буенча ярышлар узды.
Командалар составы буенча безнең зур илебезнең географиясен өйрәнергә мөмкин иде. Бөтен Россиядән Чукотка, Чита, Иркутск, Кострома, Мәскәү, Липецк, Кырымнан килгән делегатлар Татарстан волейболчылары белән тигез команда төзеделәр һәм ике көн дәвамында үзара көч сынаштылар.
Командалар турыдан-туры «биттән» җыелуга карамастан, уеннар киеренке көрәштә узды һәм күп кенә очрашуларның җиңүчеләре тай-брейкта гына билгеләнде. Әмма бу турнирда җиңелүчеләр булмады, барысы да күңел күтәренкелеге, искиткеч уеннан хис-тойгылар алдылар, барлык катнашучылар да бер-берсе белән дуслаштылар.
Турнирның барлык уенчыларына истәлекле медальләр һәм Россия - спорт державасы форумы эмблемасы төшерелгән спорт формасы тапшырылды.
Турнирны Татарстан Республикасы Волейбол федерациясе судьялары, Татарстан Республикасы Волейбол федерациясе башкарма директоры Мансур Кәримов җитәкчелегендә үткәрделәр.