Олег Матыцин «Россия – спорт державасы»IX халыкара спорт форумы кысаларында FISU волонтерлары академиясендә булды
8 сентябрьдә Россия Федерациясе Спорт министры Олег Матыцин Казанда 8-10 сентябрьдә уза торган «Россия – спорт державасы» IX халыкара спорт форумы кысаларында ФИСУ 2021 (FISU Volunteer Leaders Academy) волонтерлар академиясенең оештыру комитеты белән очрашты.
FISU Volunteer Leaders Academy-халыкара спорт һәм волонтерлык хәрәкәтенең төп элементы булган белем бирү чарасы. Академия ел саен Казанда бөтен дөньядан килгән студентлар өчен белем бирү чаралары үткәрә. 2020 елда чарага 116 милли һәм биш континенталь студентлар спорты федерацияләреннән 200дән артык катнашучы килгән иде.
Быел белем бирү программасында 120 милли һәм биш континенталь студентлар спорты федерацияләреннән студентлар катнашыр дип көтелә. Академиянең эше коронавирус йогышы пандемиясе белән бәйле рәвештә онлайн-форматта узачак.
Очрашуда Олег Матыцинга FISU Студентлар амбассадорларының эш нәтиҗәләре тәкъдим ителде. Министр FISU Healthy Campus проекты турында фикер алышуга аерым игътибар бирде. Проект FISU тарафыннан Идел буе дәүләт физик культура, спорт һәм туризм университеты белән берлектә әзерләнгән, ул сертификацияләү процедурасын узган беренче илебезнең спорт һәм өченче Россия югары уку йорты булды.
FISU Healthy Campus-ул уникаль интернет-платформа, ул катнашучыларга студентларның физик активлыгын, дөрес туклануын оештыруда, шулай ук Тотрыклы үсеш һәм социаль-җаваплы тәртип формалаштыруда тәҗрибә уртаклашырга ярдәм итә. Хәзерге вакытта программага Европа, Америка, Азия һәм Африкадан 70тән артык университет кушылды.
Программа елдан-ел үсә, һәм милли спорт федерацияләрендә студентлар вәкиллеге арта гына бара. Югары белем бирү мәгариф оешмаларын программага кушылырга һәм шул рәвешле безнең вузларны халыкара аренада танытуга ярдәм итәргә телим, - дип белдерде Олег Матыцин.