Евгения Косецкая-бадминтон буенча җиденче тапкыр Россия чемпионы

2021 елның 21 сентябре, сишәмбе

Саратовта бадминтон буенча Россия чемпионаты тәмамланды. Бүген ялгыз разрядларда финал матчлары узды.

Хатын-кызлар арасында ялгыз разрядта Евгения Косецкая, финалда Виктория Слободянюкны (21-14,21-11) отып, турнирның алтын медален яулады. Шулай итеп, Татарстан спортчысы бу спорт төрендә җиде тапкыр ил чемпионы булды. Бронза медальне Татарстанның тагын бер вәкиле Анастасия Редькина яулады.

Ир-атлар арасында ялгыз разрядта көмеш медальне Татарстаннан тагын бер спортчы Сергей Сирант яулады. Финал матчында аның көндәше Владимир Мальков булды, ул җиңгәннән соң сигез тапкыр Россия чемпионы булды.