6 чаңгычы «Хибинский яз 2022» Бөтенроссия ярышларында Татарстан Республикасын тәкъдим итәчәк

2022 елның 14 апреле, пәнҗешәмбе

13 һәм 14 апрельдә Киров шәһәрендә Россия чаңгы узышлары федерациясенең рәсми календаре кысаларында «ФосАгро» компаниясе призларына «Хибинский яз 2022» VI Бөтенроссия чаңгы ярышлары уза.

Халыкара ярышларда Россия, Беларусь һәм Казахстаннан 200ләп спортчы катнашачак. Гадәттәгечә, «Хибинский яз» ярышы Чаңгы ярышлары буенча спорт сезонының соңгы старты һәм спортчылар өчен шәхси зачетта кирәкле рейтинг очколары алу өчен өстәмә мөмкинлек булып тора.

Узыш үзе 14 апрельдә «Тирвас» чаңгы комплексы трассаларында узачак. Ярышлар кысаларында биредә 10 һәм 15 чакрымга ирекле стиль белән масс-стартлар узачак. Татарстан данын Андрей Ларьков, Артем Николаев, Денис Катаев, Лариса Рясина, Виктория Трошина һәм Мария Давыденкова яклаячак.