«Динамо-Ак Барс» ның 5 хоккейчысы индорхоккей буенча халыкара турнирда җиңде
Беларусь Республикасында индорхоккей буенча «Вечерний Минск»халыкара турниры тәмамланды. Ярышлар 18 ноябрьдән 20 ноябрьгә кадәр узды.
Россия җыелма командасы составында пьедесталның икенче баскычына «Динамо-Ак Барс» чирәмдәге хоккей буенча Казан командасы уенчылары: капкачы Иван Ожерельев, сакчы Семен Матковский, һөҗүмчеләр Павел Голубев, Илфат Җамалетдинов һәм Алексей Соболевский күтәрелде.
Турнирда Казан клубы уенчылары барлыгы 5 уен үткәрде, 4 җиңү яулады һәм бер матч тигез исәпкә уйнады.
Турнирның алтын составы: Иван Мужерельев, Игорь Шабалин, Алексей Соболевский, Павел Голубев, Георгий Арусия, Артур Надыршин, Артем Надыршин, Павел Юринов, Александр Агафонцев, Илфат Җамалетдинов, Ярослав Логинов, Семен Матковский.
"Минск» хоккейчылары көмеш медаль яулады, бронза – безнең беренче илкүләм җыелма командада.
Турнир нәтиҗәләре буенча Иван Мужерельев ярышларның иң яхшы капкачысы дип танылды.
Шунысын да билгеләп үтәргә кирәк, ирләр турниры белән беррәттән, «Вечернего Минск» призларына хатын-кызлар командалары да уйнады. Россиялеләр көмеш призерлар булды, ә халыкара турнирда җиңүне «ритм» хоккей клубы спортчылары бәйрәм итте.