Зәйдә волейбол һәм хоккей буенча Раштуа турниры узды
5 гыйнварда Зәй шәһәренең «Старт» спорт-сәламәтләндерү комплексының спорт залында ир-атлар командалары арасында волейбол буенча Раштуа турниры узды. Ярышларда 5 команда катнашты. Турнир нәтиҗәләре буенча 1 урынны Зәй районының «җыелма шәһәр» командасы, 2 урынны Түбән Кама районының Түбән Уратма авылы командасы, 3 урынны Түбән Кама районы командасы, 4 урынны Зәй районының «Барс» командасы, 5 урынны Теләче районы командасы алды.
Шулай ук 5 гыйнварда микрорайондагы хоккей кортында. Зәй-2 үзешчән командалар арасында хоккей буенча турнир узды. Турнир нәтиҗәләре: 1 урын Зәй районы Молодежная командасы, 2 урын Тукай районы «Мәләкәс» командасы, 3 урын Сарман районы командасы, 4 урын Сарман районының «Шәрләрәмә» командасы, 5 урын Зәй районының «һәвәскәрләр» командасы.