Татарстан Республикасы җыелма командасы спорт гимнастикасы буенча Россия чемпионатында 5 медаль яулады
Казанда Гимнастика үзәге диварларында спорт гимнастикасы буенча Россия чемпионаты тәмамланды. Биш көн дәвамында илнең иң яхшы гимнастлары, Олимпия чемпионнары илнең төп старты медальләре өчен үзара көрәштеләр.
Татарстан Республикасы җыелма командасы спортчылары турнирда яхшы нәтиҗәләр күрсәттеләр, төрле дисциплиналарда 5 медаль яуладылар.
Берьюлы 4 медальне җыелма командага Казанның «беренче» спорт мәктәбе тәрбияләнүчесе Даниэль Маринов алып килде. Гимнаст шәхси күпбәйгедә иң яхшысы була, ирекле күнегүләрдә «көмеш», шулай ук ат өстендә һәм терәкле сикерүдә «бронза» яулый.
Тагын бер бронза медальне команда күпбәйгесендә Татарстан Республикасы җыелма командасы яулады. Команда составына Дэниел Маринов, Станислав Исаев, Даниэль Шаров, Раниль Сафиуллин һәм Вячеслав Зюлин керә.