Владимир Леонов Даниель Маринов белән очрашты
Бүген Татарстан Республикасы спорт министрлыгында Татарстан Республикасы спорт министры Владимир Леоновның Татарстан гимнасты Даниель Маринов белән очрашуы узды. Шулай ук спортчыны югары казанышлар спорты бүлеге башлыгы Раиф Вафин һәм ТР Спорт гимнастикасы федерациясе президенты, ТР Олимпия Советы рәисе Марат Бариев каршы алды.
Очрашу барышында Даниэль күптән түгел генә тәмамланган Россия чемпионатыннан алган тәэсирләре һәм спорт карьерасына планнары белән уртаклашты. Владимир Леонов, үз чиратында, спортчыны мактый, ярышларда ул искиткеч осталык һәм югары әзерлек дәрәҗәсен күрсәткәнен билгеләп үтә.
Исегезгә төшерәбез, Даниэль Маринов Россиянең абсолют чемпионы булды. Казанда узган спорт гимнастикасы буенча Россия чемпионатында беренче ФСО Центральный СШОР тәрбияләнүчесе шәхси күпбәйгедә җиңү яулый. Барлыгы безнең спортчы 169,83 балл җыйды. Шулай ук ир-атлар арасында команда күпбәйгесе нәтиҗәләре буенча Татарстан җыелма командасы 238,060 балл җыйды һәм бронза алды.