Корэш билбау көрәше буенча Россия чемпионаты Казанда узачак

2023 елның 24 апреле, дүшәмбе

28-30 апрельдә Казан шәһәренең «Ак Барс» көрәш сараенда билбау көрәше буенча 2023 елгы Россия чемпионаты узачак. Ярышларда Россиянең 31 төбәгеннән 140тан артык спортчы катнашачак. Көрәшчеләр 60 килограммнан 130 килограммга кадәрге унбер авырлык категориясендә һәм абсолют авырлык категориясендә көч сынашачак.

Тантаналы чаралар һәм финал уеннары 29 апрельдә 18:30 сәгатьтә узачак. Искәртеп узабыз, турнир җиңүчеләре 2023 елда Татарстан Республикасында узачак дөнья чемпионатында Россия җыелма командасы исеменнән чыгыш ясаячак.