Руслан Фәйзрахманов-брейкинг һәм урам сәнгате буенча «COMBOnation»халыкара турниры җиңүчесе
24-27 августта Казанда брейкинг һәм урам сәнгате буенча «COMBOnation» халыкара турниры узды, анда дөнья брейкингы йолдызлары катнашты. Турнирның хедлайнеры булып Берлин бибой, судья Аднан Душаку тора. Аның белән бергә Татарстан башкаласына Казахстан, Үзбәкстан, Кыргызстан, Белоруссия һәм Болгария биючеләре килде. Номинацияләрдә җиңү өчен барлыгы 1500дән артык катнашучы көрәште.
Ярышлардан тыш, фестиваль программасына граффити-баттллар, танылган биючеләрнең мастер-класслары, күрсәткеч чыгышлар һәм бию мәдәнияте өлкәсендә легендалар белән очрашулар кертелгән.
Финал көнендә, 27 августта, «Урам» экстрим-паркында хәл иткүче баттллар узды, анда Казан вәкилләре җиде номинациянең өчесендә җиңү яулады.
«B-boy battle 1х1» номинациясендә Руслан Фәйзрахманов (b-boy Footrockets) җиңүче булды. Бу номинация Иң массакүләм номинацияләрнең берсе булды, анда җиңү өчен 100 дән артык биюче көрәште. Аерым билгеләп үтәбез, әлеге фестивальдә чыгыш ясау әзерлекнең мөһим этабы булды. Сентябрь башында Руслан башка Казан спортчысы Нәҗип Миникаев белән бергә Россия Федерациясе җыелма командасы составында Тайваньга барачак, анда тренировка чараларында катнашачак, ә аннары илебезне халыкара турнирда тәкъдим итәчәк.
«COMBOnation» фестивалендә «Old to the new 2х2» номинациясендә b-boy Androfrol һәм b-boy Undr (Андрей лапшинов) җиңү яулады. Сентябрь башында Андрей шулай ук Волгоградта узачак «Break Rumble» дәрәҗәле сериясенең Бөтенроссия ярышларында чыгыш ясарга әзерләнә. Алексей Вахрушев (b-boy Leshiy) Style novators 1х1 номинациясендә тагын бер җиңү яулый.