29 сентябрьдән 1 октябрьгә кадәр Орел шәһәрендә каратэ буенча Бөтенроссия ярышлары Орел Кубогы узды. Турнирда Россиянең 31 төбәгеннән һәм Беларусь Республикасыннан 1000нән артык спортчы катнашты.
Татарстан Республикасы җыелма командасы спортчылары алтын медаль ияләре булдылар. Гарипова Камилла 48 кг кадәрге юниорлар категориясендә алтын медаль яулады, ә Савин Илья 60 кг кадәрге ир-атлар категориясендә чемпион булды.барлык көрәшләрдә дә Татарстан чемпионнары көндәшләренә бер балл да җыярга мөмкинлек бирмәде.