Татарстан дзюдочысы 2023 елгы Россия чемпионатының көмеш медале иясе булды

2023 елның 2 октябре, дүшәмбе

30 сентябрьдә Кемеровода ир-атлар һәм хатын-кызлар арасында дзюдо буенча Россия чемпионатының Fonbet шәхси турнирының соңгы дүрт бүләк комплекты уйнатылды.
Яр Чаллы дзюдочысы, олимпия резервы спорт мәктәбе тәрбияләнүчесе Нияз Билалов 100 килограммга кадәр авырлык категориясендә дәрәҗә пьедесталының икенче баскычына күтәрелде.

Финалга юл тотканда Нияз 4 көрәш үткәрә, Чечен һәм Ингуш Республикалары, Краснодар крае һәм Мәскәү өлкәсе спортчыларын артта калдыра. Ярымфиналда алган җәрәхәтенә карамастан, спортчы көчле характер күрсәтә һәм финал уенын Европа кадет Кубогы триумфаторы Мөхәммәт-Али Матаев белән үткәрә, ул Самар өлкәсеннән. Очрашу Самар атлеты җиңүе белән тәмамлана.