Ростовта фехтование буенча «Дон көзе»ярышлары старт алды. Турнир 2 яшь категориясендә узды. 2009-2011 елларда туган яшь спортчылар бөтенроссия дәрәҗәсендәге турнирда чыгыш ясады, ә 2012-2015 елларда туган фехтовальщиклар төбәк-ара ярышларда медальләр уйнатты.
Төбәкара ярышларда чыгыш ясаган Татарстан спортчысы Амалия Фазлиева көмеш медаль яулады. Рапирада шәхси беренчелекнең хәлиткеч уенда фехтовальщица Ростов өлкәсеннән килгән көндәшенә 12:7 исәбе белән җиңелде һәм турнирның көмеш призеры булды.