Тимур Богуславский икенче тапкыр автоузышлар буенча Дөнья кубогына ия булды
Akkodis ASP Team узыш коллективы, аның составына Татарстаннан талантлы узышчы Тимур Богуславский керә, GT World Challenge by AWS 2023 автоузышлар буенча дөнья Кубогында җиңү яулады. Экипаж турнир ярышында сезон тәмамланганчы ук өстенлек итә, 10 этапның 9ын уздырганнан соң иң күп балл җыя.
2020 елда үз активында дөнья сериясе чемпионы исеменә ия булган Тимур Богуславский кабат пилотлар категориясендә бу мактаулы титулга ия булды. Ул турнир тарихында мондый күренекле нәтиҗәләргә ирешкән иң яшь чемпион һәм бердәнбер россияле булып кала.
GT World Challenge дөньяның иң әһәмиятле автоузышларының берсе. Бу чемпионатның узышлары бөтен дөнья буенча танылган автодромнарда уза, шул исәптән нюрнбургринг (Германия), Мизано (Италия), Поль Рикар (Франция), Брэндс-Хэтч (Бөекбритания) һәм башкалар. Агымдагы елда чемпионат 180дән артык автомобиль һәм 500гә якын узышчыны җәлеп итеп, аерым игътибар ала. Сезон апрельдә башланды һәм 14-15 октябрьдә Нидерландта планлаштырылган соңгы унынчы этапта тәмамланачак.