Дмитрий Чернышенко киләчәк уеннары фиджитал-турниры турында сөйләде
«Россия — спорт державасы» XI Халыкара форумында чыгыш ясаганда, РФ вице-премьеры Дмитрий Чернышенко 2024 елда Казанда узачак «киләчәк уеннары» уникаль фиджитал-ярышлары турында җентекләп сөйләде.
Россия яңа спорт тенденциясен билгели, ул бик актуаль. Шушы көннәрдә Томас Бах Олимпия киберспорт уеннары булдыру мөмкинлеге турында гына белдерде, ә безнең киләчәк уеннары 2024 елның февралендә Казанда узачак һәм, символик рәвештә, Сочида триумфаль Олимпия уеннары оештырылганнан соң нәкъ 10 ел узгач, – диде Чернышенко.
Шулай ук Чернышенко хәбәр иткәнчә, Фиджитал-спорт буенча федерацияләр Россиянең 60 төбәгендә һәм өч илдә оештырылган. Россиянең 400 югары уку йорты ярышларны яңа формада үткәрә. Казанда 178 команда һәм 1,2 мең катнашучы белән 14 төр буенча 10 тест турниры узды.