Спорт министрлыгы коллективы ГТО нормативларын үтәде
Бүген ТР Спорт министрлыгы хезмәткәрләре Үзәк стадион манежында ГТО нормативларын үтәү өчен җыелды.
Коллектив өчен бу инде үтәлешнең икенче этабы, җәй көне озынлыкка сикерү, алга авышу һәм электрон коралдан ату буенча нормативлар тапшырылган. Бүген коллектив озын дистанцияләргә йөгерү, күтәрү һәм кысу нормативларын үтәде.
ТР Спорт министры урынбасары Илдар Садриев: коллектив белән бергә без комплексның барлык нормативларын тапшыру максатына ышаныч белән барабыз. Бүген сынауларның калган өлешен үтәр өчен икенче тапкыр җыелдык. Хәзер өстәмә дисциплиналар – йөзү яки чаңгы шуу гына калачак. Региональ операторыбызга һәм Казан тест үзәгенә әлеге чараны оештыруда бик тиз ярдәм иткәннәре өчен рәхмәт. Барлык спорт сөючеләргә дә ГТО нормативларын тапшыру җиңел икәнен искәртәсем килә. Моның өчен бер көн сайларга һәм иң якын тест үзәгенә язылырга кирәк»
Ведомствоның барлык хезмәткәрләре дә спорт чарасында бик теләп катнаштылар. Аларның күбесе ГТО билгеләренә туры килгән нәтиҗәләр күрсәтте.