Ведомствода ТР спорт ветераннарының чираттагы утырышы узды
Бүген Татарстан Республикасы спорт министрлыгының конференц-залында Татарстан Республикасы спорт министры урынбасары Илдар Садриев, Татарстан Республикасы Ветераннар советы рәисе Альберт Баһаутдинов, Татарстан Республикасы спорт һәм муниципаль районнар ветераннар Советы Президиумы әгъзалары катнашында Татарстан Республикасы спорт ветераннары советының чираттагы утырышы узды.
Очрашу кысаларында өлкән яшьтәге кешеләр арасында спортның торышы һәм үсеш перспективалары, спорт ветераннарына ярдәм итү һәм спорт музеен булдыру турындагы доклад белән Татарстан Республикасының Алабуга һәм Чистай районнарыннан спорт бүлекләре башлыклары чыгыш ясады. Шулай ук очрашу кысаларында катнашучылар спорт объектларына барганда спорт ветераннарына ташламалар бирү буенча документлар эшләү барышы турында да сөйләштеләр.
Утырышның эш өлеше тәмамланганнан соң, ТР Атказанган физик культура хезмәткәре, академик ишү буенча бөтенроссия категориясе судьясы Карагланова Татьяна Николаевнаны 80 яшьлек юбилее белән котлау тантанасы булды.
Шулай ук Газизов Әнис Галимҗан улын Татарстан Республикасы чаңгы ярышлары үсешенә зур өлеш керткән 75 яшьлек юбилее, Казан югары танк команда училищесының физик тәрбия кафедрасы укытучысы белән котладылар.