Татарстан Республикасы - Студентлар һәвәскәр командалары арасында хоккей буенча Идел буе федераль округының бишенче Кубогы чемпионы
Бүген, 1 декабрьдә, «Зилант» боз сараенда студентлар һәвәскәр командалары арасында Идел буе федераль округы кубогына хоккей буенча традицион турнир тәмамланды.
Турнирда барлыгы 14 команда катнаша. Башкортстан Республикасы, Марий Эл Республикасы, Мордовия Республикасы, Татарстан Республикасы, Удмурт Республикасы, Чуваш республикасы, Пермь крае, Киров, Түбән Новгород, Ырымбур, Пенза, Самара, Саратов һәм Ульяновск өлкәләреннән спортчылар чемпион исеме өчен көрәшү өчен Казанга килделәр.
Финалда Татарстан Республикасы һәм Чувашия Республикасы җыелма командалары очрашты. Өч период нәтиҗәсендә матч 7:1 исәбе белән татарстанлылар файдасына тәмамлана.
Шулай итеп, командалар түбәндәгечә бүленгән:
1 урын - Татарстан Республикасы;
2 урын - Чувашия Республикасы;
3 урын - Удмуртия Республикасы
Җиңүчеләрне һәм призерларны котларга хөрмәтле кунаклар килде: Россия Федерациясе Президентының Идел буе федераль округындагы Тулы вәкаләтле вәкиле ярдәмчесе Владимир Колчин, ТР буенча спорт министры урынбасары Илдар Садриев, ТР Хоккей федерациясе башкарма директоры Кирилл Голубев, «Ак Барс» хоккей клубы башкарма директоры Мансур Усманов.
Ярышлар РФ Президентының Идел буе федераль округындагы Тулы вәкаләтле вәкиле Игорь Комаров патронаты астында, Татарстан Республикасы спорт министрлыгы һәм Татарстан Республикасы Хоккей федерациясе ярдәмендә уздырылды.