ТР Спорт министрлыгы башлыгы Владимир Леонов республикада гамәлгә ашырыла торган проектлар турында сөйләде
Мәскәүдә уза торган «Россия» Халыкара күргәзмә-форумы кысаларында Татарстан Республикасы спорт министры Алина Заһитованың Казандагы фигуралы шуу мәктәбе проектын тормышка ашыру турындагы нечкәлекләре белән уртаклашты, шулай ук республиканың башка мөһим спорт вакыйгалары турында сөйләде.
«Без Алина Заһитова белән инде берничә проектны гамәлгә ашырабыз, шул исәптән шундый революцион проектларның берсен Казанда аның исеме белән аталган мәктәп ачарга ниятлибез. Киләсе елда барыбызны да Казанга, башкалабызга көтәбез, безнең ике зур чара узачак. Февраль аенда Без тарихта беренче тапкыр «киләчәк уеннары»- фиджитал белән бәйле яңа проект үткәрәчәкбез», – дип хәбәр итте министр «Россия» күргәзмә-форумында журналистлар белән аралашканда.
Моннан тыш, Владимир Леонов Казанның 2024 елның июнь аена планлаштырылган «БРИКС илләренең спорт уеннары» Халыкара чарасын уздыруга ничек әзерләнүе турында сөйләде.
«70-80 илне Казанга чакырабыз. 27 спорт төре, бөтен спорт инфраструктурабызны диярлек җәлеп итәчәкбез. Шул исәптән спортчылар яшәячәк Универсиада Авылы да. 10 ел элек «Универсиада» ны ничек үткәргәннәрен искә төшерик. Бик охшаш спорт төрләре, охшаш формат, якынча шундый ук яңа «БРИКС илләре уены»проекты булачак. Барысын да көтәбез», - дип сөйләде Владимир Леонов.