Казанда Студентлар арасында дзюдо буенча XV Бөтенроссия турниры тәмамланды
2 декабрьдә «КАИ ОЛИМП» мәдәни-спорт комплексы базасында студентлар арасында дзюдо буенча ХV юбилей турниры узды, ул КАИның хәрби Комсомол дружинасы геройлары Артем Айдинов, Игорь Ассман, Леонид Штейнберг һ. б. истәлегенә багышланды.
Дзюдо буенча ХV турнир 174 катнашучыны һәм профессиональ спортчыларның моңарчы күрелмәгән санын җыйды: 26 спорт мастеры һәм 83 спорт мастерына кандидат.
Ярышларда Мәскәү һәм Мәскәү өлкәләреннән, Владимир, Түбән Новгород, Ырымбур, Пенза, Псков, Самара, Свердловск, Смоленск, Төмән өлкәләреннән, Марий-Эл Республикасыннан, Пермь краеннан, Санкт-Петербургтан һәм Ленинград өлкәсеннән, Башкортостан Республикасыннан, Уральск шәһәреннән һәм Татарстан Республикасыннан дзюдочылар катнашты.
Доцент Галиев Искәндәр Шамил улы җитәкчелегендәге катнашучылар парадын КНИТУ-КАИның яшьләр сәясәте буенча проректоры Борисов Кирилл Анатольевич кабул итте.
Ир - атлар арасында авырлык категорияләрендә җиңүчеләр «КАМА-Тракс» холдинг компаниясе директоры Ирина Леонидовна Штейнбергтан махсус акчалата бүләкләр белән бүләкләнделәр.
Турнирда катнашучылар, судьялар коллегиясе тарафыннан аерым билгеләп үтелгәннәр, өстәмә бүләкләр алдылар. Мәсәлән, Татарстан халыклары ассамблеясыннан һәм Татарстан Республикасы Халыклар дуслыгы йортыннан махсус бүләк - «иң яхшы техника» өчен гравировкалы алтын сәгатьләр белән Дмитрий Дмитюков бүләкләнде.
Казан федераль университеты җитәкчелегеннән «Җиңүгә теләк» бүләге белән Бактыгалиев Шерхан бүләкләнде. » Мисс симпатия «дип студентлар спорт клубы «КАИ-Зилант» тан өстәмә приз алган Германова Наргиля танылды.