Олег Матыцин 100 еллык истәлекле медальләр тапшырды
Россия спорт министры Олег Матыцин Татарстан Республикасына эш визиты кысаларында Физик культура һәм спорт өлкәсендә дәүләт идарә органы оешуның 100 еллыгына багышланган юбилей медальләрен тапшырды.
Татарстан Республикасында физик культура һәм спорт өлкәсен үстерүгә, спортның матди-техник базасын ныгытуга, физик культураны һәм сәламәт яшәү рәвешен популярлаштыруга керткән зур өлеше өчен министр Татарстан Республикасы Башлыгы Рөстәм Миңнехановны бүләкләде.
Шулай ук министр кулыннан бүләкне төбәк спорт ведомствосы башлыгы Владимир Леонов алды.
Россия Федерациясе Федераль казначылык җитәкчесе Роман Артюхин да истәлекле медаль белән бүләкләнде. Бу көннәрдә Казанда Федераль казначылык органнарының Бөтенроссия киңәшмәсе, шулай ук «физик культура һәм спортны үстерү»Россия Федерациясе дәүләт программасы чараларын гамәлгә ашыруга федераль бюджет чыгымнарын гамәлгә ашыруны тикшерү нәтиҗәләрен карау буенча тикшерү комиссиясе утырышы уза.