Татарстан Республикасы спортчылары фитнес-аэробика буенча халыкара ярышларда көмеш һәм бронза призерлар булдылар
5 декабрьдән 7 декабрьгә кадәр Красногорскиның «Крокус Экспо» спорт аренасында Фитнес-аэробика һәм хип-хоп буенча Matreshka Fitness-Aerobics Champ һәм Matreshka Hip-Hop Champ халыкара ярышлары узды.
Ярышларда Россия Федерациясенең 21 субъектыннан 1500дән артык спортчы, шулай ук Һиндстан һәм Куба спортчылары катнашты.
Татарстан Республикасы спортчылары «степ-аэробика» һәм «аэробика 5 кеше» дисциплиналарында чыгыш ясап, халыкара ярышларның көмеш һәм бронза призерлары булдылар.
Казан (Идел буе) федераль университетының «Сияние» командасы «көмеш» яулады. Бронза медальне в.г. Тимирясов исемендәге Казан инновацион университетының «Кармен» командасы алды.
Моннан тыш, Татарстанның «Динамо» җәмгыятенең яшь спортчылары «степ-аэробика 2 кеше» дисциплинасында чыгыш ясап, ярымфиналга чыктылар.