Мөслим районы спорт һәм сәламәтлек декадасына кушылды
Традиция буенча, гыйнварның беренче атнасында Татарстанда спорт һәм сәламәтлек декадасы уза. Әлеге чара кысаларында Мөслим муниципаль районында көн саен халык өчен спорт һәм күңел ачу чаралары уза.
3 гыйнварда Мөслим авылындагы «Яшьлек " универсаль залында Татарстанның 15 районыннан килгән спортчылар катнашында мөселман яшьләре арасында Спартакиада узды.
Көн дәвамында спортчылар бадминтон, армрестлинг, мини-футбол, аркан һәм таяк тарту, турникта тарту буенча ярыштылар. Призерлар өчлеге түбәндәгечә бүленгән:
1 урын-Мөслим районы
2 урын-Сарман районы
3 урын-Актаныш районы
Икенче көнне, 4 гыйнварда, шул ук спорт залында кызлар арасында Кыш бабай кубогына волейбол буенча ярышлар уздырыла. Ярышларда 7 команда катнашты, урыннар түбәндәгечә бүленде:
1 урын-Мөслим
2 урын-Җәлил
3 урын – Азнакай.
Моннан тыш, районда Яңа ел белән иң оригиналь котлауга конкурс, шулай ук 90 нчы еллар стилендәге Яңа ел дискотекасы уздырылды.