Казанда «Алтын шайба» Бөтенроссия яшь хоккейчылар ярышларының район этабы матчлары старт алды
Бүген ТР Спорт министры урынбасары Илдар Садриев «өмет» һәм «Мәскәү»командалары арасындагы турнир матчларында булды. Очрашу «Демография» милли проектының «Спорт – тормыш нормасы»федераль проектын тормышка ашыру кысаларында төзелгән Россия Федерациясе Герое, майор С.А. Ашихмин исемендәге 130 нчы мәктәп янындагы хоккей тартмасында узды.
"Безнең төп бурычыбыз-республикабызда мөмкин кадәр күбрәк яшәүчеләрнең физкультура һәм спорт белән шөгыльләнүе. Илкүләм проектларны гамәлгә ашыру кысаларында Ачык комплекслар һәм боз сарайлары составында шундый хоккей кортлары ачылу нәтиҗәсендә балаларны хоккейга җәлеп итү мөмкинлеге бар. Бүген бездә 6000 нән артык бала катнашкан «Алтын шайба» турнирын уздыру өчен мәйданчыкларның күбрәк булуы сөендерә», - диде Илдар Садриев.
Казан шәһәрендә «Алтын шайба» Бөтенроссия яшь хоккейчылар ярышлары «Спорт» һәм «двор спорты»ике дивизионында уза.
Район этабы двор спорты 2024 елның 15-19 гыйнварында 70 нче мәктәпнең (Краснококшайская урамы,178) һәм 130 нчы мәктәпнең (Химиклар урамы,55) ачык хоккей тартмаларында уза. Беренче этап уеннарында өч яшь төркеме буенча балалар чыгыш ясый: 20092010; 20112012; 20132014 елгы.
Бу ярышларда гомуми белем бирү учреждениеләре, яшәү урыны буенча яшьләр яшүсмерләр клублары һәм Казан шәһәренең Киров һәм Мәскәү районнарының ишегалды командалары базасында оештырылган командалар катнаша.
Ярышларның район этабында барлыгы 15 команда катнаша. Шәһәр этабы 2024 елның 5 февраленнән өлкән яшь төркеме командалары уеннары (2009-2010 елгы) белән планлаштырыла.
Исегезгә төшерәбез, матчлар үткән мәйданчык «Демография» милли проектының «Спорт – тормыш нормасы» федераль проектын тормышка ашыру кысаларында төзелгән, ул Татарстан Республикасында 2019 елдан бирле гамәлгә ашырыла. Проект 2030 елга сәламәт яшәү рәвеше алып баручы гражданнарның өлешен арттыруны, шулай ук Россия Федерациясендә физик культура һәм спорт белән системалы рәвештә шөгыльләнүче гражданнарның өлешен 70% ка кадәр арттыруны күздә тота.
Бу күрсәткечкә халыкны мотивацияләү системасын булдыру, барлык дәрәҗәләрдә һәм корпоратив мохиттә спорт-массакүләм эшне активлаштыру, спорт резервы әзерләү һәм спорт инфраструктурасын үстерү юлы белән ирешеләчәк.Россиянең милли проектларын билгеләүче һәм раслаучы «2024 елга кадәрге чорга Россия Федерациясен үстерүнең милли максатлары һәм стратегик бурычлары турында» гы тиешле указга Россия Президенты Владимир Путин 2018 елның 7 маенда кул куйды.
Мондый спорт объектлары 2020 елда Казанның Идел буе районында 21 нче гимназия янында (Зорге урамы, 71 нче йорт) һәм Яр Чаллыда (Раис Беляев тыкрыгы, 60 нчы йорт (13-12) төзелгән.
Спорт корылмалары составында шулай ук зурлыктагы футбол кыры, воркаут белән шөгыльләнү зонасы, җиңел атлетика секторы һәм хоккей тартмасы бар.