Ведомствода региональ спорт федерацияләре җитәкчеләре белән эшлекле киңәшмә узды
Бүген ТР Спорт министрлыгында спорт федерацияләре җитәкчеләре белән эшлекле киңәшмә узды. Утырышта ТР спорт министрының беренче урынбасары Хәлил Шәйхетдинов, ТР Спорт министры урынбасары Илдар Садриев, Россия синхрон йөзү федерациясе вице-президенты Дга Павлова һәм биш тапкыр Гагарин Кубогын яулаучы Данис Зарипов катнашты. 2024 елда узачак төп вакыйгалар көн тәртибенә чыгарылды.
Хәерле көн, хөрмәтле хезмәттәшләр! Бүген без сезне монда күрергә бик шат. Һава торышына һәм юл шартларына карамастан, безгә килергә вакыт һәм мөмкинлек тапканыгыз өчен рәхмәт.
Бүген без җыелдык, агымдагы эш мәсьәләләре турында гына түгел, ә быел Россиядә узачак мөһим вакыйгаларны искә төшерү өчен дә.
Көн тәртибенә ярашлы, цифрлаштыру турында беренче доклад белән Илдар Зөфәр улы Садриев чыгыш ясады. Ул тыңлаучыларга республикада инде эшли торган төп джиджитал платформалары, шулай ук әле эшләнү стадиясендә булганнар турында сөйләде.
Исегезгә төшерәбез, барлык Региональ спорт федерацияләре «Минем спорт» цифрлы платформасы белән эшли инде, ул тармакның барлык катнашучыларына кәгазь эш күләмен киметергә, автоматлаштырырга һәм рутин бурычларны гадиләштерергә мөмкинлек бирә.
Доклад тәмамлангач, тыңлаучыларга Россия Федерациясе Президенты Владимир Путин Указы буенча 2024 ел Гаилә елы дип игълан ителүен искәрттеләр. Бу эштә гаилә кыйммәтләрен популярлаштыруга спорт чаралары аша аерым игътибар бирергә кирәк дигәнне аңлата.
Агымдагы елның тагын бер мөһим вакыйгасы-15-17 мартта узачак ил Президентын сайлаулар.