Турнирлар сериясе Азнакай районында спорт һәм сәламәтлек декадасы кысаларында узды
Ел башында бөтен Россия буенча традицион «спорт һәм сәламәтлек декадасы»узды. Барлык төбәкләрдә, муниципаль районнарда барлык яшьтәге кешеләр өчен спорт чаралары уздырылды. Берничә чара, шул исәптән Азнакай районында да узды.
3-4 гыйнварда декада кысаларында ярышлар «Барс»спорт мәктәбе тәрбияләнүчеләре арасында узды. Тренер Фарагат Хабеев тәрбияләнүчеләре Кыш бабай призына чаңгы узышлары буенча турнирда катнаштылар.
Олег Лизунов һәм Розалина Хазиева тәрбиясендәгеләр пневматик винтовкадан ату буенча турнирда ярыштылар. Ике турнирда катнашучыларның гомуми саны 32 кеше тәшкил итә.
5 нче көнне «Дельфин» су-сәламәтләндерү комплексында «Лидер» спорт мәктәбенең Кыш Бабай призына беренчелеге узды. Катнашучылар 2007-2014 елларда туган малайлар һәм кызлар булды. 60 кеше тренерлар Светлана Гыйльфанова, Лилия Фәттахова, Эльвира Уразова һәм Эльмира Куртаметова тәрбиясендә ирекле стиль белән 25, 50 һәм 100 метр дистанцияләрдә ярыштылар.
Исегезгә төшерәбез, спорт һәм сәламәтлек декадасы кысаларында уздырыла торган барлык чаралар «Демография» милли проектының «Спорт – тормыш нормасы»федераль проекты бурычларын тормышка ашыруга туры китереп үтте.