Илдар Садриев «Киберспорт көне» республика киберспорт форумын ачуда катнашты
5 июньдә Бәшир Рәмиев исемендәге ИТ-паркта «Киберспорт көне» республика киберспорт форумын ачу тантанасы булды, анда ТР Спорт министры урынбасары Илдар Садриев булды.
Тантана барышында ул Россия Компьютер спорты федерациясенең тарихта беренче «Киләчәк уеннары»н уздыруга керткән өлешен билгеләп үтте һәм спортчыларга, судьяларга һәм форумда катнашучыларга Татарстанда һәм илдә киберспорт үсешен дәвам итүләрен теләде.
Үзенең чыгышыннан соң Илдар Зөфәр улы берничә идарә тармагы бүләкләрен тапшырды. Рәхмәт хатлары һәм мактау грамоталары спорт судьяларына һәм Федерация хезмәткәрләренә бирелде.
Тантаналы өлеш тәмамлангач, Россия компьютер спорты Федерациясенең Татарстан бүлеге рәисе Евгений Чекашов беренчел эш йомгаклары белән чыгыш ясады, шулай ук КДЭУ командасына Татарстан Киберспорт Студентлар лигасының разряд билгеләре һәм чемпионнар Кубогын тапшырды.