Яр Чаллыда инвалидлар өчен шашка һәм дартс буенча турнир үткәрелде
26 июньдә Яр Чаллы шәһәренең «Изгелек» инвалидларны тернәкләндерү үзәгендә «Динамо» шәһәр советы, «Спорт хәрәкәте» Республика инвалидлар оешмасы, шулай ук ТР Хезмәт министрлыгы һәм «Чаллы газетасы» редакциясе ярдәмендә шашка һәм дартс буенча турнир узды.
Турнирның төп максаты – сәламәт яшәү рәвешен формалаштыру, социаль хезмәтләр алучылар арасында өстәл уеннарын популярлаштыру һәм аларның ялын оештыру. Бу «Спорт – тормыш нормасы» федераль проектының «Демография» милли проектының максатларына туры килә.
Ярышларда Татарстанның төрле почмакларыннан 75 кеше катнашты. Алар һәр партияне зур кызыксыну белән уйнадылар, һәрберсе җиңүгә омтылды.
Ярышларның призерлары:
Шашка:
1 урын – Розалия Ахунова,
2 урын – Алмаз Низаметдинов,
3 урын – Анна Гыйльметдинова,
3 урын – Рушания Вавилова.
Дартс:
1 урын – Тимур Караев,
2 урын – Эльвира Гаделшина,
3 урын – Георгий Логинов,
3 урын – Дмитрий Савватеев.
Ярышларны оештыручылар һәм хәйрия чараларының автордашы һәм кураторы булган шәһәр Советы депутаты Илнур Исмәгыйлев исеменнән җиңүчеләргә истәлекле призлар, дипломнар, кубоклар һәм медальләр тапшырылды.