Дмитрий Сотников экипажы «Шәк юлы» раллисының өченче этабын отты
Дмитрий Сотников җитәкчелегендәге «КАМАЗ-Мастер» экипажы йөк машиналары арасында «Шәк юлы» ралли-рейдының өченче этабында җиңүче булды.
Барнаулдан Горно-Алтайскига кадәр кисемтәдә махсус участок озынлыгы 132 километрдан артык тәшкил иткән. Хәбәрдә әйтелгәнчә, трассаның характеры һәр 30-40 километр саен үзгәргән: грунт юллары, түмгәкле һәм чокырлы урман трассалары, куе комнар һәм тиз йөрешле комлы урман просаннары.
Сотников экипажы аны 1 сәгать 28 минут 58 секундта төгәлләде. Икенче урынны алган Богдан Кәримов экипажы («КАМАЗ-Мастер») дистанцияне 1 минут 29 секундка артта калып үтте, өченче урында Белоруссия МАЗ вәкиле.
«Шәк юлы»ның киләсе этабы 8 июльгә планлаштырылган. Узышчыларга 164,57 чакрым махсус участок белән Горно-Алтайск – Кош-Агач маршрутын үтәргә туры киләчәк.