Татарстанлылар Ишү спорты буенча Россия кубогында 4 алтын медаль яуладылар
Татарстан спортчылары Ишү спорты буенча Россия Кубогы медальләрен яуладылар. Турнир 7 июльдә Казанның Ишү спорт төрләре үзәгендә «Спорт — тормыш нормасы» федераль проекты «Демография» милли проекты максатларына туры китереп тәмамланды.
Ярышларда җиңүчеләр булдылар:
- Полина Мухорчева (ялгыз);
- Александра Фомина (җиңел үлчәүдә ялгыз);
- Сергей Константинов һәм Константин Ходяков (парлы җиңел үлчәүдә ике ишкәкле көймә);
- Сергей Константинов, Константин Ходяков, Кәрим Халиков һәм Әмир Шиһапов (җиңел үлчәүдә парлы дүрт ишкәкле көймә)
Александра Фомина (ялгыз), Никита Филаретов (ялгыз) Ил кубогының бронза медальләре приз алучырары булды. Шуны да билгеләп үтәргә кирәк, Татарстан Республикасы «Динамо» ветераннар советы рәисе Александр Плюшкин дүртледә рульсез бронза медаль яулады. Спортчы «Адмирал Ушаков» командасы составында 55 яшьтән өлкәнрәкләр категориясендә чыгыш ясады.
Россия Кубогы белән параллель рәвештә Брест шәһәрендә Беларусь Республикасы Чемпионаты узды, анда татарстанлы Артем Косов рульле сигезлектә 2 урынны алды.