Иннополиста Идел сукмагы буенча TIMERMAN командасыннан йөгерү үткәрелде
13 июльдә пилотсыз таксилар, роверлар һәм роботлар шәһәрендә – Иннополиста Трейл узды: Россиянең 22 төбәгеннән 1000 спортчы катнашты.
Трейл – кисешкән җирлек буенча катлаулы рельефлы озын дистанцияләргә йөгерү.
Чараны 300 һәм 600 метрга TIMERKIDS балалар йөгерешләре ачты. Анда 3 яшьтән алып 10 яшькә кадәрге 100 яшь спортчы катнашты. Иң кечесенә күптән түгел 3 яшь тулды. Калган 900 спортчы Т3, Т10 һәм Т20 дистанцияләрендә старт алды.
Т10 дистанциясендә җиңүне Яна Сатыбалдина (39:24) һәм Илья Камаев (38:09) бәйрәм итә. Шунысы игътибарга лаек, Яна узган елгы нәтиҗәне (48:39) узып, ярышларда рекорд куйды. Т20 дистанциясенең иң югары пьедесталына Айгөл Зарипова (01:32:16) һәм Дмитрий Князев (01:18:30) күтәрелде. Бер ел элек Дмитрий 01:28:35 нәтиҗәсе белән өченче булды. Кызлар арасында да рекордлар булмыйча калмады, Айгөл узган елгы Нубар Гиносян нәтиҗәсен (01:36:14) күчерде.
«Оештыручыларга безнең шәһәрне, Diginavis компаниясенә үзгәрешсез ярдәм иткәннәре өчен рәхмәт. Йөгерү трассасы «Идел сукмагы» республика маршруты буенча уза. Ышанам, сезнең күбегез маршрутлар буенча тыныч кына йөреп, җирле табигать матурлыкларына сокланып карар өчен кире кайтырга теләр. Барыгызга да уңышлы финиш телим һәм сезне киләсе елда көтәбез», – Дмитрий Владимир улы Вандюков, Иннополис шәһәре мэры.
Алда TIMERMAN командасының «Төнге Казан» йөгереше. Ул июль стартлар календаре, Казан триатлоны һәм Tour de Tatarstan шоссе велоузышы белән ябылачак. Августта Almetyevsk һәм сентябрьдә Әлмәт һәм Казан милли ярыммарафоннары. Чараларга теркәлү timerman.org сайтында дәвам итә.